ԵՐԵՎԱՆ, 20 օգոստոսի — Spunik. Օլիմպիական խաղերում շարունակվում է ազատ ոճի ըմբշամարտի մրցաշարը: Այսօր գորգ դուրս եկան 86 և 125 կգ քաշային ըմբիշները:
Հայաստանը ներկայացնող 125 կգ քաշային Լևան Բերիանիձեն պայքարը սկսեց 1/8 եզրափակչից, որտեղ գոտեմարտեց չինացի Ժիուեյ Դենգի հետ: Գոտեմարտը անցավ շատ դանդաղ տեմպով:
Առաջին մրցափուլում 2:0 հաշվով առջևում էր չինացի ըմբիշը, երկրորդ մրցափուլում 2 միավոր վաստակեց Լևան Բերիանիձեն, և քանի որ նրա վաստակած միավորը վերջինն էր, ըստ ըմբշամարտի օրենքների` հաղթանակը շնորհվեց Հայաստանը ներկայացնող ըմբիշին:
Քառորդ եզրափակչում Լևանի մրցակիցը կլինի հունգարացի Դավիթ Լիգետին:
