Սակայն իր արմատները նա չի մոռանում, ավելին, նորաձևության ցուցադրությունների ժամանակ պարտադիր շեշտում է իր հայ լինելն ու ազգանվան «յան»-ը: Առաջիկայում պատրաստվում է հարսանյաց ու տոնական հագուստների դիզայնում ավելացնել հայկական զարդանախշեր:
Այս օրերին Աննա Կարապետյանը գործի բերումով ժամանել է Հայաստան. նա իր ստեղծած երեկոյան զգեստները պետք է նկարահանի հայկական կոլորիտում: Դիզայները վստահ է, որ իր աշխատանքների միջոցով եվրոպացու աչքը կշոյեն հայկական տեսարժան վայրերն ու մշակույթը: Հայաստանում Աննան համագործակցում է թանկարժեք քարերի մասնագետ Լիլիթ Երիցյանի հետ։
