ԵՐԵՎԱՆ, 20 օգոստոսի — Sputnik. Ռիո դը Ժանեյրոյում ընթացող 31-րդ Օլիմպիական խաղերում օգոստոսի 20-ին մրցումային նախավերջին` 15-րդ օրն է:
Հայաստանը ներկայացնող մարզիկներից այսօր կմենամարտի ազատ ոճի ըմբիշ Լևան Բերիանիձեն, ում մրցակիցը չինացի Ժիվեի Դենգն է
125 կգ քաշային կարգում Հայաստանի ներկայացուցիչը կմեկնարկի 1/8 եզրափակչից:
Ազատ ոճի ըմբշամարտի Հայաստանի թիմի կազմում Ռիո են մեկնել նաև Գառնիկ Մնացականյանը (57կգ), ով նախօրեին պարտվեց իրանցի Հասան Ռահիմիից և դուրս մնաց պայքարից, ինչպես նաև Դավիթ Սաֆարյանը (65 կգ) և Գեորգի Կետոևը (97 կգ), ովքեր կմրցեն օլիմպիադայի վերջին օրը։
Հիշեցնենք, որ հունահռոմեական ոճի ըմբշամարտի Հայաստանի հավաքականը նույնպես Ռիո էր մեկնել 4 մարզիկով և մեկ ոսկե ու մեկ արծաթե մեդալ է նվաճել` թիմային հաշվարկում գրավելով երրորդ տեղը Կուբայից ու Ռուսաստանից հետո:
