ԵՐԵՎԱՆ, 19 օգոստոսի — Sputnik. Մեկ ամսվա ընթացքում Հայաստանում Հարավային ռազմական օկրուգի (ՀՌՕ)` Գյումրու և Երևանի ռազմական կայազորներում կանցկացվեն միջոցառումներ` նվիրված ռուսական մշակույթի օրերին, հայտնում է ՀՌՕ մամուլի ծառայությունը։ Միջոցառումներին կմասնակցեն ռուսական ռազմակայանի զինծառայողները և նրանց ընտանիքների անդամները։
Գյումրու և Երևանի միավորումներում կանցկացվի Բաց դռների օր։ Բաց դռների օրվա շրջանակում էքսկուրսիոն ծրագրեր կանցկացվեն թանգարաններում, զորամասերի գրադարաններում, լուսանկարների և մանկական նկարների ցուցահանդեսներում, որտեղ կկազմակերպվեն համերգներ զորամասերի գեղարվեստական կոլեկտիվների մասնակցությամբ։
Ճանաչողական միջոցառումներ կանցկացվեն «Մեծ բերդ» ռազմական քաղաքի «Ռազմական փառքի» հուշահամալիրում և «Պատվո բլուրի» մատուռում։
