ԵՐԵՎԱՆ, 17 օգոստոսի — Sputnik. Հայաստանի վերաքննիչ քրեական դատարանը 1 միլիոն դրամի դիմաց ազատ արձակելու որոշում է կայացրել զանգվածային անկարգություններ կազմակերպելու մեջ մեղադրվող, «Ժառանգություն» կուսակցության փոխնախագահ Արմեն Մարտիրոսյանի նկատմամբ:
«Վերաքննիչը թույլատրելի համարեց և 1 միլիոնի դիմաց ազատ արձակեց Արմեն Մարտիրոսյանին: Նա նորից «Նուբարաշեն» ՔԿՀ է տեղափոխվել, մինչև գրավը վճարվի և նրան ազատ արձակեն»,- ասել է փաստաբան Գիվի Հովհաննիսյանը:
Արմեն Մարտիրոսյանը ձերբակալվել էր հուլիսի 29-ին Խորենացու փողոցում և Սարի թաղում ոստիկանության իրականացրած գործողությունների ժամանակ:
