ԵՐԵՎԱՆ, 17 օգոստոսի — Sputnik. Ոստիկանության Արտաշատի բաժնի ծառայողների բացատրական աշխատանքների արդյունքում՝ օգոստոսի 16-ին, ժամը 14.10-ին, բաժին է ներկայացել 1975 թ. ծնված Բագրատ Մ.-ն և կամավոր հանձնել 16 մմ տրամաչափի, մեկփողանի, որսորդական հրացան` կարճեցված փողով և խզակոթով` ձևափոխված «ՏՕԶ» հրազենի 5,6 մմ տրամաչափի փամփուշտ կրակելու համար, «Ֆ-1» տիպի նռնակ` առանց պայթուցիչի, նռնակի 1 պայթուցիչ, ինքնաձիգի 7,62 մմ տրամաչափի՝ 10, 5,45 մմ տրամաչափի ՝ 33, «Կարաբին» տիպի հրացանի 7,62 մմ տրամաչափի 19 փամփուշտ:
Ոստիկանության Նոյեմբերյանի բաժնի ծառայողների բացատրական աշխատանքների շնորհիվ՝ օգոստոսի 16-ին, ժամը 18.30-ին, 1981 թ. ծնված Արմեն Մ.-ն կամավոր հանձնել է թմբուկավոր գազային ատրճանակ` ձևափոխված 5,6 մմ տրամաչափի փամփուշտ կրակելու համար և 7,62 մմ տրամաչափի ինքնաձիգի 33 փամփուշտ:
