ԵՐԵՎԱՆ, 16 օգոստոսի- Sputnik. Օլիմպիական խաղերի կիսաեզրափակիչ գոտեմարտում հունահռոմեկան ոճի ըմբիշ, 66 կգ քաշային Միհրան Հարությունյանի մրցակիցը աշխարհի չեմպիոն, ադրբեջանցի Ռասուլ Չունաևն էր:
Առաջին մրցափուլում Միրհանը հետադարձ գցում հնարքով վաստակեց 4 միավոր:
Երկրորդ մրցափուլում երկրորդ անգամ պասիվ գոտեմարտ վարելու համար մրցավարը զգուշացրեց Միհրան Հարությունյանին և մեկ միավոր տվեց ադրբեջանցի ըմբիշին: Միհրանը կարողացավ գրագետ գոտեմարտ վարել և հաղթել մրցակցին 4:1 հաշվով:
Եզրափակիչ փուլում հայ ըմբիշի մրցակիցը կլինի աշխարհի չեմպիոն սերբ Դավոր Ստեֆանեկը։
