ԵՐԵՎԱՆ, 16 օգոստոսի — Sputnik. Ռիո դը Ժանեյրոյում ընթացող հունահռոմեական ոճի ըմբշամարտի մրցումներում ըմբիշներ Միհրան Հարությունյանը և Արթուր Ալեքսանյանը հասան կիսաեզրափակիչ:
66 կգ քաշային կարգում Հարությունյանը քառորդ եզրափակչի մենամարտն անցկացրեց Հարավային Կորեան ներկայացնող Հանսու Ռյուի հետ ու հաղթեց աշխարհի նախկին չեմպիոնին 2:1 հաշվով:
Քառորդ եզրափակչում 98 կգ քաշային Արթուր Ալեքսանյանը գերվստահ հաղթանակ է տարել ռումինացի Ալեքսուս Ցիուրարիուի նկատմամբ՝ 8:0 հաշվով:
Եզրափակչի ուղեգրի համար Հարությունյանը կմրցի ադրբեջանցի Ռասուլ Չունաևի, իսկ Արթուր Ալեքսանյանը` թուրք Չենկ Իլդեմի հետ:
