ԵՐԵՎԱՆ, 15 օգոստոսի — Sputnik. Ռիո դե Ժանեյրոյում երկուշաբթի կայացան հունահռոմեական ոճի ըմբշամարտի մրցումների նախնական գոտեմարտերը 85կգ քաշային կարգում: Առաջին գոտեմարտում պարտվելով հունգարացի Վիկտոր Լորինչին` հայ ըմբիշ Մաքսիմ Մանուկյանը ստիպված էր սպասել մրցակցի ելույթներին:
Միայն այն դեպքում, եթե Լորինչը եզրափակիչ հասներ, Մանուկյանը հնարավորություն կստանար մասնակցել սփոփիչ գոտեմարտերին բրոնզե մեդալի համար: Բայց հունգարացին կիսաեզրափակչում պարտվեց Ռուսաստանը ներկայացնող Դավիթ Չակվետաձեին ու կպայքարի միայն բրոնզի համար: Մաքսիմ Մանուկյանը դուրս մնաց պայքարից:
Հունահռոմեական ոճի ըմբշամարտում վաղը մրցագորգ են դուրս գալու 98 կգ քաշային Արթուր Ալեքսանյանն ու 66կգ քաշային Միհրան Հարությունյանը:
