ԵՐԵՎԱՆ, 15 օգոստոսի — Sputnik. Ռիո դե Ժանեյրոյի Օլիմպիադայի մրցումային հերթական օրը հունահռոմեական ոճի ըմբշամարտում Հայաստանը երկիրը ներկայացրեց 85կգ քաշային Մաքսիմ Մանուկյանը:
Ինչպես և Արսեն Ջուլֆալակյանը, հայ ըմբիշը պարտվեց առաջին իսկ գոտեմարտում. Մաքսիմ Մանուկյանը 0:3 հաշվով զիջեց հունգարացի Վիկտոր Լորինչին:
Հիմա բրոնզե մեդալին հավակնելու համար հայ ըմբիշը պետք է հետևի իրեն հաղթած հունգարացուն, ու եթե Լորինչը հասնի եզրափակիչ, ապա Մանուկյանը հնարավորություն կունենա մասնակցել սփոփիչ գոտեմարտերին:
Հունահռոմեական ոճի ըմբշամարտում երեքշաբթի մրցագորգ են դուրս գալու 98 կգ քաշային Արթուր Ալեքսանյանն ու 66կգ քաշային Միհրան Հարությունյանը:
