ԵՐԵՎԱՆ, 14 օգոստոսի — Sputnik. Արսեն Ջուլֆալակյան- Դանիել Ալեքսանդրով գոտեմարտն ավարտվեց 2:3 հաշվով՝ հօգուտ բուլղարացու:
Ջուլֆալակյանը պայքարը շարունակելու հնարավորություն կունենա միայն այն դեպքում, եթե բուլղարացի մարզիկը հասնի եզրափակիչ:
Նշենք, որ այսօր ևս երեք հայ մարզիկի ելույթ է նախատեսված. 18:30-ից 56 կգ քաշային բռնցքամարտիկ Արամ Ավագյանը 1/8 եզրափակչի իր մենամարտը կանցկացնի՝ մրցելով իռլանդացի Ջոն Մայքլ Կոնլանի հետ: Ժամը 20:00-ից իր 2-րդ մենամարտը կանցկացնի նաև Հայաստանը ներկայացնող մեկ այլ բռնցքամարտիկ՝ 64 կգ քաշային Հովհաննես Բաչկովը: 1/8 եզրափակչում Հովհաննեսի մրցակիցը չինացի Քիանխուն Հուն է:
Ժամը 22:30-ին մարմնամարզիկ Հարություն Մերդինյանը (նժույգաթափեր) եզրափակչի ելույթը կունենա:
