ԵՐԵՎԱՆ, 13 օգոստոսի-Sputnik. Հուլիսի 17-ին, երբ «Սասնա ծռեր» զինված խումբը գրավեց ՊՊԾ գունդը, վիրավորում ստացավ ոստիկանության ավագ ենթասպա Գագիկ Մկրտչյանը: Նա օրեր շարունակ գտնվում էր ծայրահեղ ծանր վիճակում: Այսօր տեղեկություն տարածվեց, որ Գագիկ Մկրտչյանը մահացել է: Տեղեկությունը Sputnik Արմենիայի հետ զրույցում հաստատեց ՀՀ առողջապահության նախարարության մամուլի խոսնակ Անահիտ Հայթայանը:
«Ցավոք, դա ճշմարտություն է»,-ասաց նա:
Գագիկ Մկրչտչյանի կյանքի համար պայքարում էին Հայաստանի լավագույն վիրաբույժներն ու ռեանիմատոլոգները: Նա արդեն իսկ ենթարկվել էր 4 վիրահատության: Հիվանդն ուներ լյարդային, երիկամային, սրտանոթային անբավարություն:
