ԵՐԵՎԱՆ, 12 հուլիսի — Sputnik. ՀՀ ոստիկանությունը հուլիսի 20-ին պարեկապահակային ծառայության գնդի հարակից տարածքում՝ Խորենացու փողոցում, կիրառել է անբեկոր լուսաձայնային նռնակ՝ «Զարյա 3»՝ 24 հատ, 40 մմ լուսաձայնային արկ «Սվիրել»՝6 հատ, ձեռքի լուսաձայնային միատարր նռնակ «Ֆակել-Ս»՝ 4 հատ, լուսաձայնային գրգռիչ ազդեցության ձեռքի նռնակ՝ «Դրոֆա»՝ 3 հատ: Այս մասին ոստիկանությունը տեղեկացրել է «Իրազեկ քաղաքացիների միավորում» հ/կ-ի հարցմանն ի պատասխան:
Հուլիսի 20-ին Խորենացու փողոցում ոստիկանությունը ցրել էր Ոստիկանության ՊՊԾ գունդը գրաված «Սասնա ծռեր» խմբի աջակցությանն ուղղված ցույցը, տասնյակ մարդկանց էր բերման ենթարկել։ Շատերը վնասվածքներով տեղափոխվել էին հիվանդանոցներ։
