Նունե Բակունց
Նունե Բակունցի խոսքով` նախևառաջ պետք է մեծ քանակով ջուր խմել, սովորական մաքուր ջուր, օրական` 2-3 լիտր։ Իհարկե, քրոնիկ հիվանդություններ ունեցող անձինք, հղի կանայք պետք է իրենց բժշկի հետ ճշտեն ջրի քանակը։
«Շոգի ամենածանր զգացումները մենք ստանում ենք ջրազրկումից։ Ավանդական թանը շատ լավ լրացնում է մեր օրգանիզմի կորցրած հեղուկի աղերի ու սպիտակուցի պակասը»,- նշում է Բակունցը։
Շոգերի ժամանակ օգտակար կլինի նաև շաքար չպարունակող ըմպելիքների օգտագործումը, իսկ կոֆեին և շաքար պարունակող ըմպելիքները պետք է պակասեցնել, որովհետև դրանք կարճատև ազդեցություն են ունենում և հյուծում են օրգանիզմը։
