ԵՐԵՎԱՆ, 11 օգոստոսի — Sputnik. Աջարիայի կառավարության (Արևմտյան Վրաստան) ղեկավար Զուրաբ Պատարիձեն և Բաթումիում Հայաստանի գլխավոր հյուպատոս Եղիշե Սարգսյանը քննարկել է Երևանի և Բաթումիի միջև ուղիղ ավիահաղորդակցության անհրաժեշտությունը զբոսաշրջության զարգացման համար, հաղորդում է Sputnik Գրուզիան։
Հանդիպման ընթացքում կողմերը քննարկել են առևտրատնտեսական ոլորտում համագործակցության և զբոսաշրջության զարգացման հարցեր։ Գլխավոր հյուպատոսը պատրաստակամություն է հայտնել անցկացնել համատեղ մշակութային միջոցառումներ։
«Աջարիայի և Հայաստանի միջև արդեն մեկ տարի գոյություն ունի համագործակցություն տարբեր ուղղություններով։ Տարածաշրջանը գործընկերային հարաբերություններ ունի քույր քաղաքների հետ, ինչն ապագայում պետք է ավելի շատ ակտիվանա»,- հանդիպման ընթացքում ասել է Պատարաձեն։
Հայաստանն Աջարիայի համար զբոսաշրջային հետաքրքրիր շուկաներից մեկն է, որտեղից այցելուների քանակը հատկապես աճել է վերջին տարիներին։
Հայաստանը տարեսկզբից Վրաստան այցելած անձանց թվով զբաղեցնում է երրորդ տեղը` 719 հազար 575 մարդ, ինչը 0,8 տոկոսով պակաս է անցյալ տարվա նույն շրջանի համեմատ։
Վերջին յոթ ամիսների ընթացքում Վրաստան է այցելել 3 մլն 400 հազար 335 զբոսաշրջիկ, ինչը 10,6 տոկոսով ավելի է անցյալ տարվա նույն շրջանի համեմատ։
