ԵՐԵՎԱՆ, 11 օգոստոսի — Sputnik. Ռուսաստանում Թուրքիայի դեսպանը հայտարարել է, որ Անկարան ցանկանում է իր ավանդն ունենալ ղարաբաղյան հիմնախնդրի լուծման մեջ։
«Թուրքիան մեծ նշանակություն է տալիս այդ խնդրի լուծմանը։ Մենք փորձում ենք երկխոսություն հաստատել հակամարտության կողմերի հետ»,- «Ռոսսիա սեգոդնա» միջազգային լրատվական գործակալությունում տեղի ունեցած մամուլի ասուլիսում ասել է նա։
Միևնույն ժամանակ, Երևանը համոզված է, որ Անկարան անելիք չունի ղարաբաղյան հակամարտության բանակցային գործընթացում։
«Թուրքիան անելիք չունի այդ գործընթացում, դա արդեն Հայաստանի դիրքորոշումն է, քանի որ թուրքական կողմը միշտ ադրբեջանամետ դիրքորոշում է ունեցել»,- ասել է Հայաստանի խորհրդարանի փոխխոսնակ Շարմազանովը` հիշեցնելով, որ Ղարաբաղում Թուրքիան աջակցել է Ադրբեջանի գործողություններին։
