ԵՐԵՎԱՆ, 11 օգոստոսի-Sputnik. Կառավարության նիստի ընթացքում աշխատանքի և սոցիալական հարցերի նախարար Արտեմ Ասատրյանը Թևան Պողոսյանի օրինագծի մերժումը բացատրեց նրանով, որ այն չի բխում ՀՀ օրենսդրության պահանջներից։
«Հայաստանի Հանրապետությունում բժշկական օգնուգթյուն և սպասարկում իրականացնողներն իրավունք ունեն ցուցաբերել համապատասխան բժշկական օգնություն` օրենսդրությամբ սահմանված կարգով լիցենզիա ստանալու դեպքում»,-ասաց Արտեմ Ասատրյանը։
Նախարարը հավելեց նաև, որ առաջարկվում է՝ առողջապահության և աշխատանքի ու սոցիալական ապահովության նախարարությունների ու մարզպետարանների ներկայացուցիչներից կազմված հանձնաժողովը կանոնավոր այցելի զորացրված վիրավոր զինվորականներին, որպեսզի ծանոթանա նրանց առողջական վիճակի և այլ հարցերի հետ, իսկ նման սխեմաներ արդեն գործում են:
