ԵՐԵՎԱՆ, 10 օգոստոսի — Sputnik. Ռուսաստանի նախագահ Վլադիմիր Պուտինը ՀՀ նախագահ Սերժ Սարգսյանի հետ հանդիպումից հետո դատապարտել է Երևանում տեղի ունեցած վերջին դեպքերը` հայտարարելով, որ անընդունելի է համարում հակասահմանադրական գործողությունների միջոցով հարցեր լուծելու տարբերակը։
«Սերժ Սարգսյանը տեղեկացրեց Երևանում տեղի ունեցած վերջին իրադարձությունների, ես կասեի` ողբերգական դեպքերի մասին։ Անընդունելի եմ համարում հակասահմանադրական գործողությունների միջոցով ներքաղաքական խնդրահարույց հարցերի լուծման փորձերը»,- հայտարարել է Պուտինը։
Նա ընդգծել է, որ Ռուսաստանը ի սկզբանե վճռականորեն դատապարտել է Երևանում ոստիկանության ՊՊԾ գնդի գրավումը։
Հիշեցնենք, որ հուլիսի 17-ին «Սասնա ծռեր« զինված խումբը գրավել էր Ոստիկանության ՊՊԾ գունդը և միայն հուլիսի 31-ին զենքերը վայր դրել ու հանձնվել իշխանություններին։
