Հայաստանի ազգային պարալիմպիկ կոմիտեի նախագահ Հակոբ Աբրահամյանը վստահեցնում է` Հայաստանում կան մարզիկներ, որոնք կարող են միջազգային ասպարեզ դուրս գալ, սակայն դրա համար գումար է պետք։
«Խնդիրը ֆինանսավորումն է, ուրիշ ոչինչ։ Մենք շատ լավ մարզիկներ ունենք, որոնց վրա գումար ծախսելու դեպքում կարող ենք ներկայանալ միջազգային ասպարեզում, և, ինչու ոչ, նրանք կարող են պայքարել մեդալների համար։
Հակոբ Աբրահամյանի խոսքով` Պարալիմպիկ կոմիտեին տրամադրվող պետական աջակցությունը տարեկան 3 միլիոն դրամ է կազմում։
«Այդ գումարով մենք հասցնում ենք հանրապետական կարգի մեկ միջոցառում անել, որը կոչվում է Հաշմանդամների սպորտի ազգային փառատոն, և այդ գումարը չի բավականացնում նույնիսկ մեկ միջոցառման համար։ Հովանավոր ենք գտնում, որ ամբողջացնենք միջոցառումը»,- ասում է Աբրահամյանը։
2016-ին Ռիոյում անցկացվող Պարալիմպիկ խաղերին 6 հոգանոց թիմ է մեկնել`մարզիկներ Գրետա Վարդանյանն ու Մարգարիտա Հովակիմյանը, նրանց մարզիչները, պատվիրակության ղեկավարը և բժիշկը։ Վեց հոգու ծախսերի համար պետությունը 6 միլիոն դրամ է հատկացրել։
