ԵՐԵՎԱՆ, 8 օգոստոսի — Sputnik. Երևանի նոր ոստիկանապետ է նշանակվել Շիրակի մարզի ոստիկանապետ Սարգիս Մարտիրոսյանը, Sputnik Արմենիային հայտնեց ՀՀ ոստիկանության տեղեկատվության վարչության պետ Աշոտ Ահարոնյանը։
Մարտիրոսյանն արդեն ազատվել է նախկին պաշտոնից Երևան տեղափոխվելու համար։
Ոստիկանության Երևանի քաղաքային վարչության պետ, ոստիկանության գեներալ-մայոր Աշոտ Կարապետյանին զբաղեցրած պաշտոնից ազատել են այսօր՝ օգոստոսի 8-ին:
Նշենք, որ ոստիկանությունում ընթացող ծառայողական քննությունների արդյունքներով, ոստիկանության պետի հրամաններով՝ ոստիկանության մի շարք ծառայողներ, այդ թվում՝ ոստիկանության Երևան քաղաքի վարչության պետ Աշոտ Կարապետյանը, ենթարկվել էին կարգապահական տույժերի: Կարապետյանին խիստ նկատողություն էին տվել:
