ԵՐԵՎԱՆ, 8 օգոստոսի – Sputnik. «Տանկային բիաթլոնի» կիսաեզրափակիչները կանցկացվեն օգոստոսի 9-11-ին, իսկ եզրափակիչը՝ օգոստոսի 13-ին: Կիսաեզրափակիչ փուլի երեք օրերում կմրցեն 4-ական հավաքականներ: Հայաստանի հավաքականը մրցման է դուրս գալու օգոստոսի 9-ին: Այս մասին հայտնում է ՌԴ պաշտպանության նախարարությունը։
Կիսաեզրափակչի մրցելույթները աղյուսակով ունեն հետևյալ տեսքը՝
Մրցուղիներ 09.08.2016 10.08.2016 11.08.2016
1-ին Անգոլա Ղազախստան Ադրբեջան
2-րդ Հայաստան Բելառուս Սերբիա
3-րդ Ղրղըզստան Իրան Ռուսաստան
4-րդ Չինաստան Մոնղոլիա Հնդկաստան
Օգոստոսի 5-ին «Տանկային բիաթլոն-2016» միջազգային մրցույթի շրջանակում «Անհատական մրցավազքի» երրորդ փուլում Հայաստանի 3-րդ անձնակազմը զբաղեցրել էր 3-րդ հորիզոնականը և բոլոր մրցափուլերի արդյունքներով Հայաստանի հավաքականն անցել էր մրցույթի կիսաեզրափակիչ:
Մրցման ժամանակ հայկական զինված ուժերի լավագույն տանկիստները մրցելու են կապույտ տանկերով, ինչը որոշվել է մրցույթի վիճակահանության արդյունքով: Լավագույն արդյունքները գրանցած 4 երկրների պայքարը կշարունակվի օգոստոսի 13-ին՝ եզրափակչում, որտեղ էլ կպարզվի հաղթող երկիրը:
