ԵՐԵՎԱՆ, 8 օգոստոսի — Sputnik. Լարված պայքարում արգենտինացի դել Պոտրոն 7/6, 7/6 հաշվով հաղթեց։ Սերբ թենիսիստը հանդիսանում էր Ռիո-2016-ի այս տարվա թենիսի մրցաշարի ընդգծված ֆավորիտը։
Անգամ նրա հիմնական հակառակորդ իսպանացի Ռաֆայել Նադալը մեզ հետ զրույցում խոստովանեց դա։
Աշխարհի թիվ մեկ ռակետը ստիպված է լինելու առայժմ բավարարվել օլիմպիական բրոնզե մեդալով, որը վաստակել է 2008 թվականին Պեկինում:
Պարտությունից հետո սերբ թենիսիստը զրուցեց Sputnik Armenia-ի թղթակցի հետ։
« Դել Պոտրոն հիանալի խաղացող է, որոշիչ պահերին նա ցուցադրեց այնպիսի անհավանական թենիս, որ ես ստիպված եղա շնորհավորել նրան։ Ինձ համար սա շատ տխուր և հիասթափեցնող էր։ Դուրս մնալ մրցաշարից այսքան վաղ, իհարկե ցավալի է»,- ասաց նա։
Այնուհետև, ասուլիսի ընթացքում Ջոկովիչը պատասխանելով լրագրողների հարցերին, նշեց. « Օլիմպիական խաղերից դուրս մնալը, թերևս, իմ կյանքի ամենամեծ կորուստներից մեկն է: Վերքերը դեռ բաց են, բայց ինչ արած, ես պետք է հաղթահարեմ դա։ Ոչ առաջին, ոչ էլ վերջին անգամն է, որ պարտություն եմ կրում թենիսում»:
Սերբ թենիսիստն իր խոսքը եզրափակեց շնորհակալությամբ․«Բրազիլացի երկրպագուներն ինձ մեծ ուժ տվեցին, կորտում ես ինձ բրազիլացի էի զգում։ Այդպիսի զգացմունքներ սովորաբար Սերբիայում եմ ունենում»։
