ԵՐԵՎԱՆ, 7 օգոստոսի —Sputnik, Արմենուհի Մխոյան. Ինչպես տեղեկացրին Գյումրու բժշկական կենտրոնից, ուր տեղափոխվել էին հիվանդները, տուժած Արամ Հովհաննիսյանին հարազատների ցանկությամբ տեղափոխել են Երևաան:
Կենտրոնից նշում են, որ վերջինիս հարազատները գտնվում են Երևանում. դա է տեղափոխման պատճառը:
Ի դեպ, նրա վիճակը հիվանդանոց ընդունվելու պահին գնահատվում էր կայուն ծանր:
Մյուս տուժածի վիճակն այս պահին բավարար է:
Հիվանդանոց տեղափոխված տուժածներից մեկը եղել է դեմքի, վերին վերջույթների, կրծաքանդակի բազմաթիվ սալջարդ-վերքերով, իսկ մյուսը` սրունքի բազմաբեկորային կոտրվածքով, տրավմատիկ շոկի մեջ:
Հիշեցնենք, որ արտակարգ իրավիճակների նախարարությունը օգոստոսի 5-ին` ժամը 12.51-ին, ահազանգ էր ստացել, որ Շիրակի մարզի Գյումրու Ախուրյան խճուղու թիվ 1/1 հասցեում գտնվող գազալցակայանում տեղի է ունեցել պայթյուն:
Դեպքի վայր է մեկնել մեկ մարտական խումբ: Պարզվել է, որ պայթյունի հետևանքով տուժել է երկու քաղաքացի՝ պատահական անցորդ եւ գազալցակայնի աշխատակիցը:
Տեղի ունեցածի պատճառը եղել է լիցքավորման համար կայանված ավտոմեքենայի գազաբալոնի պայթյունը:
Նախնական զննությունից պարզ է դարձել, որ բալոնը ճաք է ունեցել, որի մեջ լվցել է գազ և տեղի է ունեցել պայթյուն, սակայն վերջնական եզրակացությունը կհրապարակվի մանրամասն ուսումնասիրությունից հետո։
