ԵՐԵՎԱՆ, 6 օգոստոսի — Sputnik. ԱՄՆ-ի Սենթ Լուիս քաղաքում մեկնարկել է շախմատի Sinquefield-cup սուպերմրցաշարը, հաղորդում է armsport.am-ը:
Հայաստանի հավաքականի առաջին համար Լևոն Արոնյանը սևերով ոչ-ոքի է խաղացել չինացի Լին Դիրենի հետ: Գրոսմայստերները խաղաղ ելք են կնքել 31-րդ քայլին:
Առաջին տուրում հնդիկ Վիշի Անանդը կիսել է միավորն ամերիկացի Ֆաբիանո Կարուանայի հետ, հոլանդացի Անիշ Գիրին ոչ-ոքի է խաղացել ֆրանսիացի Մաքսիմ Վաշյե-Լագրավի հետ, ամերիկացի Ուելսի Սոն հաղթել է Հիկարու Նակամուրային, իսկ բուլղարացի Վեսելին Տոպալովը պարտության է մատնել ռուսաստանցի Պյոտր Սվիդլերին:
