ԵՐԵՎԱՆ, 6 օգոստոսի — Sputnik. Երևանի Խորենցու փողոցում և Սարի թաղում տեղի ունեցած բախումների ու կրակոցների հետևանքով վնասվածքներ ստացած քաղաքացիներից այս պահին հիվանդանոցներում բուժումը շարունակում է 12-ը։
Երկու տուժած այսօր դուր է գրվել հիվանդանոցից: Այդ մասին Sputnik Արմենիայի տեղեկացրեց առողջապահության նախարարության մամուլի քարտուղար Անահիտ Հայթայանը:
Նա հայտնեց, որ դուրս գրվածներից մեկը Սարի թաղում մասնագիտական պարտականությունները կատարելիս վիրավորված լրագրողներից մեկն է, մյուսը` նույն օրը աչքի վնասվածք ստացած 17- ամյա Սայադ Հարությունյանը:
Սայադ Հարությունյանը թեև դուրս է գրվել հիվանդանոցից, Սբ. Գրիգոր Լուսավորիչ բուժկենտրոնի ղեկավարությունը խոստացել է հոգալ աչքի պրոթեզավորման հետ կապված ծախսերը:
