ԵՐԵՎԱՆ, 6 օգոստոսի — Sputnik. Իրավապահ ուժերը ցուցարարներին ցրելու համար կիրառել են արցունքաբեր գազ, ինչպես նաև ձայնային նռնակներ, հաղորդում է ՌԻԱ Նովոստին՝ հղում անելով Washington Post թերթին:
Հրատարակության տվյալներով՝ օլիմպիադայի անցկացման համար երկրի բյուջեից միջոցներ օգտագործելու դեմ բողոքող երիտասարդների խումբը այրել է Բրազիլիայի դրոշը և կամավորի շապիկը:
Երբ նրանք փորձել են մոտենալ մարզադաշտին, ոստիկանությունը արցունքաբեր գազ է կիրառել: Մեկ մարդու ձերբակալել են:
Ռիոյում օլիմպիական խաղերը կավարտվեն օգոստոսի 21-ին:
