ԵՐԵՎԱՆ, 4 օգոստոսի- Sputnik. Օգոստոսի 4-ին Ստեփանակերտում մեկնարկած «Երևան Տարազ ֆեստ» փառատոնի ժամանակ Արցախի նախագահ Բակո Սահակյանը մոտեցավ ավանդական զարդանախշերով ձեռագործ աշխատանքներ վաճառող կնոջը, որը ցանկություն հայտնեց զարդանախշ գուլպաներ նվիրել նախագահին։ Սահակյանը մերժեց նրա առաջարկը` ասելով, որ գուլպաները կվերցնի միայն գումար վճարելու դեպքում։
Ի վերջո, նախագահը հեռացավ առանց գուլպաների, որովհետև ո՛չ կինը համաձայնեց իր ապրանքը վաճառել նրան, ո՛չ էլ նախագահը ցանկացավ նվեր վերցնել գուլպաները։
«Բակո Սահակյանը մեր ձեռնարկությանը մեծ օգնություն է ցուցաբերել։ Նա մեր սիրելի նախագահն է։ Ես չէի կարող գուլպաները վաճառել նրան»,- Sputnik Արմենիայի թղթակցին ասաց գուլպա վաճառող կինը։
Բակո Սահակյանն էլ իր հերթին Sputnik Արմենիայի թղթակցին առաջարկեց վայելել միջոցառումը` խոստանալով, որ հարցերին կպատասխանի ավելի ուշ`նախարարների հետ նախատեսված խորհրդակցությունից հետո։
