ԵՐԵՎԱՆ, 4 օգոստոսի – Sputnik. ՀՀ նախագահ Սերժ Սարգսյանի հրամանագրով, այսօր՝ օգոստոսի 4-ին, Հրանտ Եպիսկոպոսյանն ազատվել է ԱԱԾ տնօրենի առաջին տեղակալի պաշտոնից:
Հրամանագրում, մասնավորապես, ասվում է.
«Ղեկավարվելով 2005 թվականի փոփոխություններով Հայաuտանի Հանրապետության Uահմանադրության 55-րդ հոդվածի 5-րդ կետով և հիմք ընդունելով «Ազգային անվտանգության մարմիններում ծառայության մասին» Հայաստանի Հանրապետության օրենքի 18-րդ հոդվածի 2-րդ մասը` որոշում եմ.
Հրանտ Եպիսկոպոսյանին ազատել Հայաստանի Հանրապետության կառավարությանն առընթեր ազգային անվտանգության ծառայության տնօրենի առաջին տեղակալի պաշտոնից:
Նախագահ Սերժ Սարգսյանի հրամանագրով` Հայաստանի Հանրապետության կառավարությանն առընթեր ազգային անվտանգության ծառայության տնօրենի առաջին տեղակալ է նշանակվել Կարապետ Դավթյանը:
