ԵՐԵՎԱՆ, 4 օգոստոսի — Sputnik. ՀՀ գլխավոր դատախազ Գևորգ Կոստանյանի թափուր պաշտոնում ժամանակավոր պաշտոնակատար է նշանակվել դատախազի տեղակալ Արմեն Հարությունյանը։ Այս մասին hայտնում է գլխավոր դատախազության աշխատակազմի հանրային կապերի բաժինը։
Նշենք, որ ՀՀ գլխավոր դատախազությունում այսօր տեղի է ունեցել կոլեգիայի նիստ, որը վարել է ՀՀ գլխավոր դատախազ Գևորգ Կոստանյանը: ՀՀ գլխավոր դատախազը Կոլեգիայի անդամներին տեղեկացրել է, որ առողջական խնդիրների պատճառով դիմել է ՀՀ նախագահին, խնդրելով ընդունել ՀՀ գլխավոր դատախազի պաշտոնից ազատվելու վերաբերյալ իր դիմումը: ՀՀ գլխավոր դատախազ Գևորգ Կոստանյանը նաև տեղեկացրել է, որ ՀՀ նախագահի կողմից դիմումն ընդունվել է և ինքը 04.08.2016թ.-ից վայր է դնում ՀՀ գլխավոր դատախազի իր լիազորությունները:
Գևորգ Կոստանյանը ՀՀ գլխավոր դատախազ էր նշանակվել 2013-ի հոկտեմբերին: 2004-ից մինչ այժմ նա ՀՀ կառավարության լիազոր-ներկայացուցիչն է Մարդու իրավունքների եվրոպական դատարանում:
