ԵՐԵՎԱՆ, 4 օգոստոսի — Sputnik. Արտակարգ իրավիճակների նախարարությունն օգոստոսի 4-ին՝ ժամը 13.24-ին, տեղեկություն է ստացել, որ Երևանի Որմնադիրների փողոցում հայտնաբերվել է նռնակ․անհրաժեշտ է փրկարարների օգնությունը։ Այս մասին նշված է ՀՀ ԱԻՆ–ի կայքում։
Հաղորդագրության համաձայն՝ դեպքի վայր է մեկնել ճգնաժամային կառավարման ազգային կենտրոնի օպերատիվ խումբը և մեկ մարտական հաշվարկ:
Պարզվել է, որ Գլինկայի և Որմնադիրներ փողոցների խաչմերուկի մոտակայքում հայտնաբերվել է «РГД-5» տեսակի ձեռքի մարտական նռնակ, որի վնասազերծման համար անհրաժեշտ է ՊՆ ինժեներասակրավորական խումբը:
Դեպքի վայր է մեկնել ՀՀ ՊՆ ինժեներասակրավորական խումբը:
Խումբը վնասազերծել է «РГД-5» տեսակի ձեռքի մարտական նռնակը:
Կտրվի լրացուցիչ տեղեկություն:
