ԵՐԵՎԱՆ, 2 օգոստոսի — Sputnik. «Մոսկվա-Երևան» ավտոբուսի վարորդ Գառնիկ Հարությունյանը, որի վարած մեքենան 2015թ-ի նոյեմբերին կողաշրջվել էր Տուլայի մարզի Ուզլովյան շրջանում, դատարանի որոշմամբ դատապարտվել է 4,5 տարվա ազատազրկման, հաղորդում է Տուլսկիե նովոստին։
Դատավճռի համաձայն`տղամարդն ազատազրկվել է 4 տարի և վեց ամսով, ինչպես նաև 3 տարով զրկվել տրանսպորտային միջոց վարելու իրավունքից։ Ավելի վաղ Ուզլովյան քաղաքային դատարանի դատավորը հրապարակել էր այդ քրեական գործով վկաների և տուժածների ցուցմունքները։
Մեղադրող կողմն առաջարկել է Հարությունյանին ենթարկել վեց տարի և ութ ամիս ազատազրկման ընդհանուր ռեժիմի գաղութում, ինչպես նաև երեք տարով զրկել տրանսպորտային միջոց վարելու իրավունքից։
2013թ-ի նոյեմբերի 3-ին Տուլայի մարզի Մ-4 մայրուղում տեղի ունեցած ավտովթարի ժամանակ ավտոբուսում եղել է ավելի քան 60 մարդ, բոլորը` Հայաստանի քաղաքացիներ։
