ԵՐԵՎԱՆ, 31 հուլիսի — Sputnik. «Սասնա ծռեր» զինված խմբի անդամ Վարուժան Ավետիսյանը քիչ առաջ 1in.am-ի հետ զրույցում ասել է, որ ժամը 20:00-ին վայր են դնելու զենքը և դուրս են գալու Ոստիկանության ՊՊԾ գնդի տարածքից:
«Առաջին լրատվականի» հետ զրույցում Վարուժան Ավետիսյանը նշել է, որ վերջին օրերին ծանր վիրավորումները հասցրել են այն վիճակին, որ «Սասնա ծռեր» խումբը մոտ 30 հոգուց դարձել է 20 հոգի և այսօր ոստիկանական ուժերն ու հատուկ ստորաբաժանումները խուժել են ՊՊԾ գնդի տարածք, իսկ իրենք կա´մ պետք է հանձնվեին որպես ռազմագերի, կա´մ պետք է արյուն հեղվեր:
Հանձնվելու գործողությունը կտևի մոտ 2 ժամ: Ավետիսյանը նաև նշել է, որ իրենց հաջողվել է ժողովրդին թմբիրից հանել, թեև զանգվածները մեծ չեն, փոփոխությունները երկրում կհետաձգվեն, մինչև ժողովուրդը կկարողանա ինքնակազմակերպմամբ այս իրավիճակից դուրս բերել երկիրը:
Ավետիսյանը փաստել է, որ ռազմագերու կարգավիճակում կշարունակեն հրահանգներ իջեցնել ակտիվ ժողովրդին և իրենց անզատությամբ կփորձեն մասնակցել վերազատմանն ու կկարողանան հույսն արագ իրողություն դարձնել:
