ԵՐԵՎԱՆ, 31 հուլիսի — Sputnik. Հայտնի է դարձել, որ ՊՊԾ-ի տարածք են մուտք գործելու «Առաջին լրատվական» կայքի և «Ազատություն» ռադիոկայանի թղթակիցները: Այս մասին պայմանավորվածությունը ձեռք է բերվել Արցախի հերոս, ԼՂՀ ԱԺ պատգամավոր Վիտալի Բալասանյանի և «Սասնա ծռեր» խմբի անդամ Արայիկ Խանդոյանի (Միայնակ գայլը) հեռախոսազրույցում:
«Մեր տեղեկություններով՝ լրագրողները ոչ թե ձայնագրելու կամ նկարահանելու համար են, այլ որպես կենդանի բաժանարար գիծ, որը պետք է զինյալներին ազատ տեղաշարժի համար, քանի դեռ բանակցում են»,- նշում է «Ա1+»-ը:
Նշենք, որ նախօրեին Ազգային անվտանգության ծառայությունը վերջնագիր էր ներկայացրել ՊՊԾ գունդը գրաված «Սասնա ծռեր» խմբին:
Հայտարարության մեջ նշվում էր, որ ԱԱԾ-ն Խմբի անդամների մինչև 17.00-ն ժամանակ է տալիս զենքը վայր դնելու և առանց դիմադրության իշխանություններին հանձվելու համար, հակառակ դեպքում իրավապահ մարմինների հատուկ նշանակության ստորաբաժանումները լիազորված են առանց նախազգուշացման կրակ բացել և վնասազերծել ՊՊԾ գնդի տարածքում կամ դրանից դուրս գտնվող ցանկացած զինված անձի:
