ԵՐԵՎԱՆ, 29 հուլիսի — Sputnik. Ցուցարարների մի մասը հավաքվել էր Խորենացու փողոցում, մյուսը՝ Սարի թաղում։ Ոստիկաններին կարծես հաջողվեց ցրել Խորենացու փողոցում հավաքվածներին, այժմ ցրում են Սարի թաղում հավաքվածներին։
Ինչպես հայտնում է Sputnik Արմենիայի թղթակիցը, Սարի թաղում հնչել են կրակոցներ, այնուհետև ոստիկանները սկսել են բերման ենթարկել հավաքվածներին: Ոմանք վնասվածքներ են ստացել, հարվածներ են ստացել նաև լրագրողները: Տուժածներ թվում են Lifenews-ի և«Ազատություն» ռադիոկայանի լրագրողները:
Սարի թաղում ոստիկանները ծխանռնակներ են նետել և հարձակվել ցուցարարների վրա։ Տարածքում հրդեհ է բռնկվել, բնակիչները փորձել են սեփական ուժերով մարել կրակը: Դեպքի վայր են ժամանել հրշեջ մեքենաները:
