ԵՐԵՎԱՆ, 29 հուլիսի — Sputnik. Արդեն 52 ժամ է, ինչ շտապ բուժօգնության երկու բժիշկը և բուժքույրը ոստիկանության պարեկապահակային ծառայության գնդի տարածքում պատանդի կարգավիճակում են, ասվում է Առողջապահության նախարարության տարածած հաղորդագրության մեջ:
Առողջապահության նախարարությունը ևս մեկ անգամ դատապարտում է զինյալ խմբի կողմից բուժաշխատողներին պատանդ վերցնելու՝ ամբողջ աշխարհում անընդունելի համարվող քայլը, կոչ է անում հային վայել մոտեցում ցուցաբերել և առաջին հերթին ազատ արձակել բուժքրոջը։
Նախարարությունը հորդորում է սառը տրամաբանությամբ ընդունել առանց որևէ նախապայմանի բոլոր բուժաշխատողներին ազատ արձակելու բազում հորդորները, կոչերն ու պահանջները՝ հավելելով, որ ողջ աշխարհում գրված ու չգրված օրենքներով չընկալվող այս գործողությունը պատիվ չի բերում «Սասնա ծռեր» անդամներին:
