ԵՐԵՎԱՆ, 29 հուլիսի — Sputnik. ՊՊԾ գունդը գրոհած զինված խմբի անդամների հետ բանակցությունները վերսկսվել են, Sputnik Արմենիային հայտնեց ուժային կառույցների աղբյուրը։
Ստացված տեղեկության համաձայն` բանակցությունները կրկին ղեկավարում է Վիտալի Բալասանյանը, որի ծառայություններից խումբն ավելի վաղ հրաժարվել էր։
«Վերականգնվել են բանակցությունները իշխանության և զինված խմբի միջև։ Բախումից խուսափելու համար փորձ է արվում համոզել խմբին զենքը վայր դնել և հանձնվել»,- ասաց աղբյուրը։
«Սասնա ծռեր» զինված խումբը Ոստիկանության պարեկապահակային ծառայության գունդը գրոհել է հուլիսի 17-ին։ Այս պահին խմբի անդամների մոտ 3 պատանդ կա։
