ԵՐԵՎԱՆ, 28 հուլիսի — Sputnik. Գյումրիում տեղակայված ռուսական ռազմակայանն ինքնակամ լքած զինծառայողին ձերբակալել են Երևանում: Այս մասին Sputnik Արմենիային տեղեկացրեց Պաշտպանության նախարարության աղբյուրը:
«Հայաստանի Հանրապետությունում տեղակայված ռուսական ռազմակայանի զինծառայողները, ՀՀ-ում ՌԴ սահամանապահ վարչության, կայազորի ռազմական ոստիկանության, ՀՀ ՆԳՆ մարմինների ստորաբաժանումների հետ համատեղ հուլիսի 28-ին զորամասը լքած, ռուսական միավորման պայմանագրային ծառայություն իրականացնող զինծառայողի հետախուզական միջոցառումներ են իրականացրել»,- հայտնեց աղբյուրը:
Sputnik Արմենիային հայտնի է դարձել, որ զինծառայողը ձերբակալվել է 19:00-ի սահմանում Հանրապետության հրապարակում զբոսնելու ժամանակ:
Նրա մոտ զենք, զինամթերք և արգելված իրեր չեն եղել: Այս պահին զինծառայողը զորամասում է, որտեղ պարզում են դեպքի հանգամանքները:
