ԵՐԵՎԱՆ, 28 հուլիսի — Sputnik. Բողոքի երթի մասնակիցները փակել են Սայաթ-Նովա և Մաշտոցի պողոտա տանող խաչմերուկները` որպես բողոքի դրսևորում։ Ցուցարարները բղավում են «Միացում», «Սասնա ծռեր»։
Ինչպես հայտնում է Sputnik Արմենիայի թղթակիցը, չնայած հորդառատ անձրևին, մարդիկ չեն հեռանում տարածքից։
Բողոքի ակցիան համակարգող խումբը կոչ է անում, որ հասարակությունն օգտվի սահմանադրությամբ իրենց ընձեռված քաղաքացիական անհնազանդության իրավունքից և հանրապետության բոլոր վայրերում բողոքի ակցիաներ անցկացնի` այդկերպ սատարելով «Սասնա ծռերին»։
