ԵՐԵՎԱՆ, 28 հուլիսի — Sputnik. Պատգամավոր Նիկոլ Փաշինյանի` ՊՊԾ գնդում տեղի ունեցող դեպքերի շուրջ ԱԺ արտահերթ նիստ գումարելու նախաձեռնության տակ ստորագրած 14 պատգամավորին վերջնաժամկետի լրանալուց փոքր-ինչ առաջ միացել է նաև ՕԵԿ խմբակցության 5 պատգամավոր` Հեղինե Բիշարյանը, Մհեր Շահգելդյանը, Լևոն Դոխոլյանը, Իշխան Խաչատրյանն ու Հովհաննես Մարգարյանը:
Ինչպես ավելի վաղ Sputnik Արմենիային հայտնել էր պատգամավորի օգնական Հակոբ Սիմիդյանը, Աժ արտահերթ նիստ հրավիրելու առաջարկի տակ, բացի հեղինակից, ստորագրել են նաև Թևան Պողոսյանը, Լևոն Զուրաբյանը, Զարուհի Փոստանջյանը, Խաչատուր Քոքոբելյանը, Ռուբիկ Հակոբյանը, Ալեքսանդր Արզումանյանը, Ստեփան Դեմիրճյանը, Լյուդմիլա Սարգսյանը, Էլինար Վարդանյանը, Վարդան Օսկանյանը, Ստեփան Մարգարյանը, Վահե Հովհաննիսյանը, իսկ Էդմոն Մարուքյանը, որը գտնվում է ԱՄՆ-ում և նախաձեռնությանը միանալու մասին գրառում է արել ֆեյսբուքյան իր էջում:
Ստորագրահավաքի վերջնաժամկետն ավարտվել է ժամը 17:00-ին:
