ԵՐԵՎԱՆ, 27 հուլիսի-Sputnik. «Արմենիա» հեռուստաընկերության տարածքում այս պահին իրարանցում է։
Ոստիկանությունը հաղորդագրություն է ստացել այն մասին, որ հեռուստաընկերության տարածքում ռումբ է տեղադրված։
Sputnik Արմենիայի տեղեկացմամբ, պայթուցիկը հայտնաբերելու համար տեղում աշխատում են ոստիկանները՝ վարժեցրած շներով, փրկարարները, հրշեջները։ Հեռուստաընկերության մոտ կանգնած է մի քանի շտապօգնության մեքենա։
