ԵՐԵՎԱՆ, 27 հուլիսի — Sputnik. Փոխհրաձգությունից հետո «Էրեբունի» բժշկական կենտրոն է տեղափոխվել երեք մարդ, որոնցից մեկը ոստիկանության աշխատակից: Նա հիվանդանոց է տեղափոխվել սրունքի հրազենային վնասվածքով: Կատարվել են համապատասխան միջամտություններ: Բժիշկները վստահեցնում են, որ նրա վիճակը կայուն է:
«Սասնա ծռեր» խմբի անդամ Պավել Մանուկյանն ու Արամ Մանուկյանն էլ համապատախսան միջոցառումներրից հետո տեղափոխվել են վիրահատարան, կատարվել է վիրահատություն, այնուհետև հիվանդները տեղափոխվել են վերակենդանացման բաժանմունք:
«Էրեբունի» բժշկական կենտրոնի վերակենդանացման և ինտենսիվ թերապիայի բաժանմունքի վարիչ Հարություն Մանգոյանի խոսքով՝ նրանց երկուսի վիճակն էլ գնահատվում է ծանր, բայց կայուն և վերահսկելի, արհեստական շնչառության ապարատ է միացված:
Ըստ բժիշկների՝ վիրահատությունը տևել է շուրջ 2 ժամ:
