ԵՐԵՎԱՆ, 25 հուլիսի — Sputnik. Հանրահայտ ֆուտբոլիստ Հենրիխ Մխիթարյանը ֆեյսբուքյան իր էջում շնորհակալություն է հայտնել Չինաստանում ցուցաբերված ջերմ ընդունելության համար:
«Այնքան սեր և նվիրվածություն կար Չինաստանում գտնվող մեր երկրպագուների մեջ: Շնորհակալություն եմ հայտնում Ձեր ընդունելության և դրական զգացողությունների համար»,- գրել է նա:
Հենրիխ Մխիթարյանը հուլիսի 19-ին «Մանչեսթեր Յունայթեդի» հետ մեկնել է ասիական շրջագայության: Ֆուտբոլիստները Չինաստանում ուսումնամարզական հավաք են անցկացնում։
