ԵՐԵՎԱՆ, 24 հուլիսի-Sputnik. Մյունխենի առևտրի կենտրոնում հրաձգության ժամանակ սպանված իննը մարդուց միայն երկուսն է ունեցել Գերմանիայի քաղաքացիություն, հաղորդում է ՌԻԱ Նովոստին՝ հղում անելով Բավարիայի քրեական ոստիկանության ղեկավար Ռոբերտ Հայմբերգերին:
Նրա խոսքով՝ յոթ մահացածները եղել են միգրանտների հետնորդներ, որոնք ապրել են Մյունխենում կամ նրա արվարձաններում:
«Զոհերը հունգարական, թուրք-գերմանական, գերմանական, թուրքական, Կոսովո, հունական և առանց քաղաքացիության անձինք են եղել»,- ասել է Հայմբերգերը:
Հուլիսի 22-ի երեկոյան իրանական ծագմամբ 18-ամյա գերմանացին կրակ էր բացել Մյունխենի առևտրի կենտրոններից մեկի տարածքում: Նա իննը մարդու գնդակահարել է, այնուհետև՝ ինքնասպան եղել: 35 մարդ տուժել է: Ենթադրվում է, որ հարձակվողը հոգեկան խնդիրներ է ունեցել:
