ԵՐԵՎԱՆ, 23 հուլիսի — Sputnik. Հայաստանի լրատվամիջոցների ներկայացուցիչները գտնվում են «Սասան ծռեր» զինված խմբի կողմից գրավված Ոստիկանության ՊՊԾ շենքում։ Նրանց թվում է նաև Sputnik Արմենիայի լրագրողը։
Լրագրողներին ոստիկանները գնդի տարածք տարան ոստիկանության չորս մեքենայով, այնտեղ տեղի է ունենում զինված խմբի անդամների ասուլիսը։
Մինչ այդ զինված խմբի անդամներն ազատ էին արձակել բոլոր պատանդ վերցված ոստիկաններին։
Հիշեցնենք, որ «Սասնա ծռեր» խմբի անդամներն ավելի վաղ հանդիպել էին ԱԱԾ տնօրեն Գեորգի Կուտոյանի հետ, և որոշում էր կայացվել ազատ արձակել պատանդներին՝ պայմանով, որ ստեղծվելու է մամուլի կետ։
Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք։ Նրանք պատանդ էին վերցրել ոստիկանության ծառայողների՝ նրանց ազատման դիմաց պահանջելով ազատ արձակել Ժիրայր Սեֆիլյանին, նաև պահանջում են Հայաստանի իշխանությունների հրաժարականը։ Զինված խնբի անդամների հետ բանակցություններ են ընթանում։
