ԵՐԵՎԱՆ, 22 հուլիսի- Sputnik. Նիկոլ Փաշինյանը, մասնավորապես, հայտարարեց, որ ծառայում է ՀՀ-ին, ԼՂՀ-ին եւ հայ ժողովրդին, ուստի պատրաստ է ի կատար ածել այն որոշումը, որ կընդունի ժողովուրդը՝ պայմանով, որ դա լինի հստակ, տեսանելի ու կասկածի տեղիք չտվող գործողություն:
«Այս ընդվզման առաջին օրից մենք նպատակ ենք ունեցել ստեղծել պայմաններ ժողովրդի կամքը արտահայտելու համար: Երբ այն օրը ես այստեղ կանգնած էի ժողովրդի և ոստիկանների միջև, ասում էի, որ սա ոչ թե բռնության, այլ ժողովրդի կամարտահայտման տեղ է: Այստեղ պետք է չլինի որևէ հարթակ, կասկածելի տեսքով մարդիկ: Եթե դուք թույլ տաք, ես նրանց բոլորին կհեռացնեմ այստեղից: Նրանք ԱԱԾ-ի գործակալներն են»,- ժողովրդին դիմեց Փաշինյանը:
Պատգամավորը նաև կոչ արեց մարզերի, մայրաքաղաքի բնակիչներին՝ ոտքի կանգնել և պայքարել հանուն ազատության:
