ԵՐԵՎԱՆ, 21 հուլիսի — Sputnik. Հայ տանկիստները մեկնել են Մոսկվա մասնակցելու «Միջազգային բանակային խաղեր-2016» միջոցառմանը, հայտնում են ՀՀ պաշտպանության նախարարությունից։
ՀՀ ԶՈւ ներկայացուցիչները Մոսկվա են մեկնել ՀՀ ՊՆ բարձրագույն սպայական խորհրդի անդամ, «Տանկային բիատլոնի ֆեդերացիայի» հայկական մասնաճյուղի ղեկավար, գեներալ-լեյտենանտ Մուրազ Սարգսյանի ղեկավարությամբ։
Նրանք կմասնակցեն Ռուսաստանի Դաշնությունում և Ղազախստանի հանրապետությունում «Միջազգային բանակային խաղեր-2016» միջոցառման շրջանակում անցկացվելիք «Տանկային բիատլոն», «Զորային հետախուզության գերազանցիկներ» և «Դիպուկահարների սահմանագիծ» մրցումներին:
Մրցումների մեկնարկը կտրվի հուլիսի 30-ին:
