ԵՐԵՎԱՆ, 21 հուլիսի — Sputnik. Մի քանի րոպեի ընթացքում ոստիկանության մի քանի հարյուր աշխատակիցներ տարածքն ազատեցին ցուցարարներից։ Գործողությունները սկսվեց երկու նախազգուշացումից հետո։
Գիշերը դեպքի վայրում մնացած բոլոր ցուցարարները բերման են ենթարկվել։ Խաչմերուկում մնացել են միայն լրագրողներն ու ոստիկանները։
Հավանաբար վաղ առավոտյան Երևանի կենտրոնում տեղակայված բոլոր բաժանմունքներում, ուր տեղափոխել են ցուցարարներին, դատական գործեր կհարուցվեն։
Ցուցարարները չորս օր փակել էին դեպի ոստիկանության ՊՊԾ գունդ տանող ճանապարհը, որը գրավել էր զինյալ խումբը։
Հուլիսի 20-ի երեկոյան բախում տեղի ունեցավ ոստիկանության և ցուցարարների միջև։ Իրավիճակը սրվեց այն բանից հետո, երբ ցուցարարները պահանջեցին լուծել ներսում գտնվող անձանց սննդի խնդիրը։
Հետո Նրանք քարեր նետեցին ոստիկանների վրա, նրանք էլ պատասխանեցին լուսաձայնային և ծխային նռնակներով։
Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք։ Նրանք պատանդ են վերցրել ոստիկանության ծառայողների՝ նրանց ազատման դիմաց պահանջելով ազատ արձակել Ժիրայր Սեֆիլյանին, նաև պահանջում են Հայաստանի իշխանությունների հրաժարականը։ ՀՀ իրավապահ մարմինների աշխատակիցները բանակցում են զինված խնբի անդամների հետ։
