ԵՐԵՎԱՆ, 20 հուլիսի — Sputnik. Երևանում բողոքի ակցիայի մասնակիցները Խորենացու փողոցում աղբամաններից բարիկադներ են կառուցել ոստիկանների շարասյունից 15 մետր հեռավորության վրա։
Նոր բախումները կանխելու համար մի խումբ ակտիվիստներ կենդանի շղթա են կազմել։ Այդուհանդերձ որոշ մարդիկ փորձում են ճեղքել բարիկադներն ու մոտենալ ոստիկանական շղթային։
Ընդդիմադիր պատգամավոր Նիկոլ Փաշինյանը կոչ է արել ակցիայի մասնակիցներին զսպվածություն ցուցաբերել և չսադրել ոստիկաններին։
Ոստիկանները շարունակում են պահպանել իրենց դիրքը։
Բախումը տեղի ունեցավ այն բանից հետո, երբ ցուցարարները ցանկացան սնունդ փոխանցել պատանդներին և զինված խմբավորման անդամներին։ ՀՀ ԱԺ պատգամավոր Նիկոլ Փաշինյանն այս հարցով դիմել էր ոստիկանապետ Աշոտ Կարապետյանին, ով խոստացել էր քննարկել հարցն ու միանգամից պատասխան տալ։ Սակայն ցուցարարները պահանջեցին արագ պատասխան ու սկսեցին քարեր նետել ոստիկանների ուղղությամբ։
