ԵՐԵՎԱՆ, 20 հուլիսի-Sputnik. Քարերն ու փայտերը գետնին դնել. սա Նիկոլ Փաշինյանի պահանջն է Խորենացի փողոցում հավաքված հարյուրավոր մարդկանց։ Նրա խոսքով` իրենք բոլորը պետք է մնան պաշարված ոստիկանության գնդի մոտ` պաշտպանելու զինված խմբի անդամներին։
«Այս հավաքն ունի խաղաղ բնույթ։ Այստեղից այն կողմ քար նետող չպետք է լինի։ Եթե մարդը իրեն թույլ է տալիս ԱԺ պատգամավորի վրա քար նետել, ուրեմն նա սադրիչ է»,- ասաց Նիկոլ Փաշինյանը։
Ամեն ինչ սկսվեց այն ժամանակ, երբ որոշ մարդիկ սկսեցին քարեր նետել ոստիկանների ուղղությամբ։ Նրանք էլ զգուշացրին, որ կդիմեն համապատասխան գործողությունների։ Սակայն ցուցարարները շարունակեցին քարեր նետել, և ոստիկանները լուսաձայնային նռնակներ նետեցին ցուցարարների կողմը։
Նիկոլ Փաշինյանը նշեց, որ իրենց շարքերում կան սադրիչներ, ովքեր առաջադրանք ունեն սրելու իրավիճակը։
