ԵՐԵՎԱՆ, 20 հուլիսի — Sputnik. Երկու ամսով ձերբակալվել է այն «ԿՌԱԶ» բեռնատարի սեփականատերը, որով կոտրել են ՊՊԾ գնդի դարպասները։ Մեքենայի սեփականատեր Խաչատուր Գիչյանը մեղադրվում է «Սասնա ծռեր» զինված խմբին աջակցելու համար, Sputnik Արմենիային հայտնել է հանրային փաստաբան Տիգրան Սարգսյանը։
Կալանավորման մասին որոշումը կայացրել է Կենտրոն և Նորք Մարաշ շրջանների ընդհանուր իրավասության դատարանը, գործը քննում է Ազգային անվտանգության ծառայության ՔՎ-ն։
«Բեռնատարի սեփականատիրոջը մեղադրանք է առաջադրվել շենքի վրա գրոհ իրականացնելու, կապի միջոցներ առևանգելու, զենքի ապօրինի պահպանման և տեղափոխման մեջ, սակայն նա չի ընդունում իր մեղքը», — ասաց Գիչյանը։
Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք։ Նրանք պատանդ են վերցրել ոստիկանության ծառայողների՝ նրանց ազատման դիմաց պահանջելով ազատ արձակել Ժիրայր Սեֆիլյանին, նաև պահանջում են Հայաստանի իշխանությունների հրաժարականը։ ՀՀ իրավապահ մարմինների աշխատակիցները բանակցում են զինված խնբի անդամների հետ։
